VACANZE ESTIVE sui Colli Euganei
ESTATE
Calda stajon che porta tanti fruti:
dai perseghi a le faje de formento
ch’el xe un racolto che contenta tuti
parchè a la base del sostentamento.
Le rondini volando sui spagnari
dove la spagna sèca xe sparia,
le serca da magnar par i so gnari,
co dentro i rondini in compagnia.
El giorno ghe pareva sensa ore
ai contadini de quel tempo andà
che lavorava la so tera co amore:
la pele tuta rossa e screpolà,
parvìa del sole che, col so calore,
parfin le piere el gaveva crepà...
=========
Ma su la corte al ciaro de le stele
el fresco stemperava la strachessa
vardando in su le tremole fiamele
le ghe impeniva el cuor de contentessa.
|
