Da L'Orto de Casa di domenica 28 ottobre 2007 di Ugo Suman

La Pasqua dei me ani verdi se spampanava sul paese dal campanile come na coverta.
Ei concerto de le campane se mescolava a l’aria tiepida de la matina, e restava sospeso ne l’aria come na farfala colorata sul fiore. Na inmagine che pare esagerata adesso, ma al me tempo, la campagna de Pasqua, gera come un fiore enorme drio spalancarse lentamente al sole. Alora gavjmo anche na fede adeguata de contorno, na fede che ne slusegava dentro par la contentessa de la Resuression. Cristo gera risorto dai morti, par dimostrare al mondo la so divinità, ma anche par assicurarne che, come Lu, un giorno tuti i omarn de la tera sana risorti, Sto pensiero che ne meteva dentro la fede ne scaldava l’anima metendone in corpo na serenità fantastica che ne faseva parfin desmentegare le lession da fare el bruto voto ciapà a scola. Quelo de la prima metà del secolo scorso, se pol definirlo el tempo de la fede e del sacro. El nostro de sti giorni l’è insipido e in continua dissacrassion. Dopo le varie interpretassjon del Concilio Vaticano Secondo, che in tanta parte ga causà cambiamenti, a na liturgia secolare che gaveva informà quel nostro credare e vivare, ne xe capità in casa altre religion da fora. Naturalmente la generassion che no ga visto e subìo el cambiamento, no poi ricordare gnente, no i ga soferto el travalio de tuto el novo che ga bastonà e distrutu quel “vecio” che se ritegneva sacro. Dai balconi televisivi de ogni eticheta, vien programà incontri e dibatiti fra apartenenti a religion difarenti colo scopo se dise - de amalgamare, de metare insieme dei credo religiosi a volte violentemente contrastanti, sperando nel miracolo? E ghe xe anche dei santoni che viaja par so conto, piconando el cristianesimo la Chiesa e la so storia, sensa misericordia e contraditori che li ferma. Chi no ga na preparassion aprofondita e solida su quel che xe e che riguarda la so fede, vien fassilmente travolto. Ei se trova come uno coverto da un tabaro che un colpo de vento ghe porta via: el resta nudo. Go sentìo in un dibatito parlare de la morte de Cristo, come vitima sacrificale al Padre, parla redension de la umanità. Ma la redension da cossa?
Da un pecato che l’umanità no ga fato? Da tuti i altri mali de la umanità a scominsiare da le malatie e da la morte? Da la violensa, e dai crimini de l’odio, de le guere e via discorendo?’ Sicome ai nostri oci no se ga visto risultati, no ga servio a gnente quela morte atroce, i se diseva. La risposta concordataria xe sta
questa, in soldoni. Sicome Dio no lo ga visto mai nessun omo in nessun tempo, e i profeti stessi de la Bibbia dise de averne . solo sentio la vosse.
Parfin Adamo noga mai visto el so Creatore ma el lo ga solo sentìo, quando elIo ga ciamà par maledirlo. La conclusion banalmente neutra xe sta questa, co qualche parola in più o in meno, Dio se ga incarnà par darghe ai omani la possibilità de inmaginarlo co un volto umano, quelo de Cristo. In sta maniera se pol anche dire che la incanassion, più che na Redension la xe sta na Rivelassion. E la Resuression? Eco, come i ga concluso. Cristo sega trovà a vivare in un tempo e in un posto turbolento, pai’ cause complicà e diverse, e par questo el ga fato na bruta fine. E la resuression? Par dimostrare la so divinità. Ma la nostra fede e la nostra Pasqua gera e xe ancora tuta n’altra roba.